Treystið trúarofstækismönnum!

Í túristagettóinu Egyptalandi þykir sjálfsagt að snuða ferðamenn. Maður þarf jafnvel að prútta tebollann sem er spurning um stolt fremur en peninga. Maður vill ekki að loddarinn hafi vinninginn.

Þegar við Maddí vorum í Abu Simbel, sagðist ég engum treystalengur - nema trúarofstækismönnum. Þeir væru of Guðhræddir til að standa í svindli.

Daginn eftir fórum við á lókal veitingastað þar sem vertinnleit út eins og leiðtogi Múslímska bræðralagsins. „Tuttugu pund á kjaft,“ sagði hann.

Ég efaðist ekki eitt augnablik og var hinn ánægðasti að rekast á þennan vingjarnlega föndamentalísta sem las Kóranrit milli þess hann skenkti hrísgrjón og kjúkling.

Við fórum aftur á veitingastaðinn degi síðar en þá voru bara unglingar að vinna, klæddir gallabuxum og stuttermabolum (heiðingjar!)

Þeir rukkuðu helmingi minna.

Athugasemdir

[Gísli Friðrik Ágústsson (IP-tala skráð) 10.1.2010 kl. 12:23]

Skoða staðina semsagt tvisvar. :)

Takk annars fyrir þessa bloggsíðu, ég hef eytt eflaust klukkutíma núna í að lesa bakfærslurnar og skoða frábærar myndir, öfunda þig af kennslunni frá Steve McCurry.

Kveðja.

[Þórhildur Daðadóttir, 10.1.2010 kl. 22:40]

Langar líka til að þakka þér skemmtilega sýn á heiminn.

[Ragnar Sigurðarson, 11.1.2010 kl. 12:56]

eru þeir með einhvern verkamannamat þarna úti ?

 ég held að það sé búið að leggja verkamannamatinn af hérna á Selfossi, engir verkamenn eftir..

[-sigm. (IP-tala skráð) 11.1.2010 kl. 14:10]

Flottar myndir.

Frábært snarpt útklikk á sögunni.

kv.Sigm. 

[Ásdís Sigurðardóttir, 12.1.2010 kl. 15:38]