Skopleg skriffinnska

 

Skriffinnskan í Súdan slær öllu við. Gott dæmi er ferð mín á skrifstofu yfirvalda stuttu eftir komu í Vadi Halfa til þess að „skrásetja" mig. (Í leiðinni vildu þeir upplýsingar um fjölskylduhagi, trúarbrögð og nafn móður.)

Skráningin tók eilífð vegna þess að ég þurfti að fara milli sjö skrifstofna í byggingunni. Einn maður hefði getið afgreitt málið á mínútum.

Eini munurinn á embættismönnunum var liturinn í kúlupennunum þeirra. Grínlaust gerði einn skrifstofumaðurinn ekkert annað en að krota tvö strik - en það með rauðan penna meðan aðrir héldu bláum.

„Lánaðu mér penna," sagði einn skrifstofumaðurinn sem kallaður var Kapteinninn. Ég greip penna merktan Framsóknarflokknum úr töskunni.

 „Þetta er svartur penni!" sagði Kapteininn og hætti að skrifa í miðju orði. „Aðeins forsetinn notar svartan penna."

Þar höfum við það. Omar al-Bashir er eini embættismaður Súdanska lýðveldisins (sic!) sem notar svartan penna.

Athugasemdir

[Anna Tómasdóttir (IP-tala skráð) 14.1.2010 kl. 14:26]

Í samanburði við þetta hljómar ísraelskt skrifræði sem walk in the park :)

[Brattur, 14.1.2010 kl. 19:57]

Er þá Omar al-Bashir Framsóknarmaður ?

[Elín (IP-tala skráð) 15.1.2010 kl. 00:22]

Hafa Frakkar nokkuð verið þarna? Hjá þeim gengur maður einmitt með blöð á milli hæða.

Ég er samt ánægð með að nafn mitt sé komið á pappír hjá þeim.

[Egill Bjarnason, 16.1.2010 kl. 10:23]

Omar al Bashir er Framsoknarmadur.