Orðnir sögupersónur í vestur Eþíópíu

Við leigðum bíl einn daginn til þess að komast frá bænum Teppi til Bonga - leiðin sjálf er jafnvel flottari en bæjarnöfnin. 

Á henni miðri sprakk dekk og í ljós kom að varadekkið var gaddslitið.

Meðan bílstjóri okkar heimsótti dekkjaverkstæði fórum við á röltið og römbuðum inn á vikulegan markað þar sem bændafjölskyldur úr nærliggjandi sveitum skiptust á vörum.

Allt ætlaði að keyra um koll. Börn sem fullorðnir hlupu undan okkur í skelfingu eða þyrptust að í forvitni.

Hvíta menn virtust fæstir hafa séð nema á sjónvarpsskjá til þessa.

Þeim fannst eins og geimverur hefðu lent í Sísjínta. Okkur fannst eins og við værum lentir í Absúrdistan.

Að kaupa banana Með áhorfendur lengra en linsan nær.

Athugasemdir

[Sæunn (IP-tala skráð) 17.2.2010 kl. 11:42]

Absúrdistan hljómar spennandi.

[Ásdís Sigurðardóttir, 17.2.2010 kl. 17:06]

Gaman

[Hildur Helga Sigurðardóttir, 18.2.2010 kl. 07:36]

Skilaðu kveðju til Bjarna, m.a. frá Ólöfu, sem þótti gaman að fá hann í heimsókn um daginn, eftir þeirra skrautlegu Indlandsferð fyrir margt löngu.