Fra Jordaniu til Jerusalem

Þá er ég kominn til Jerúsalem; heilögustu, fallegustu og umdeildustu borgar veraldar. Það segir ferðahandabókin mín að minnsta kosti.  

-- 

Ferðin yfir King Hussian brúna, þar sem landamæri Jórdaníu og Vesturbakkans liggja, gekk vel - allt þar til kom ad vegabrefsinnrituninni. Landamæravörðunum fannst ég heldur betur skuggalegur náungi. Einsamall ferðalangur með ekkert haldbært plan, annað en að fara til Jerúsalem, ,,ferðast um Ísrael” og ,,kannski vinna á samyrkjubúi”. Þetta var nú aldeilis gruggugt, mátti lesa á vörðunum, sem voru allt stelpur á mínum aldri.  

Eftir þriggja tíma bið á landamærunum, með tilheyrandi yfirherslum og veseni, fékk ég loksins stimpil í vegabréfið. Sá gildir þó aðeins í einn mánuð en vanalega fá menn þriggja mánaða landvistarleyfi. Þar að auki er einnig vaninn að gefa möglunarlaust vegabréfsáritun á autt blað, sé þess óskað, en séu merki um heimsókn til Ísrael í vegabréfinu fær viðkomandi ekki að stíga fæti inn í velflest arabaríki Miðausturlandanna. Þetta bann gildir víst um mig úr þessu, en setur þó ekkert alvarlegt strik í reikninginn hvað ferðina varðar.  

-- 

Um leið og ég var laus úr prísund júðanna ákvað ég að fara á bak orða minna. Halda úr alfaraleið með því að taka rútu til Jericho á Vesturbakkanum, aðeins spölkorn frá landamærunum. Jericho virtist í fyrstu vera hinn mesti draugabær. Daginn sem eg kom var varla nokkur maður á ferli í miðbænum og nær allar verslanir lokaðar.

Næsta dag var allt annað um að litast; allir kaupmennirnir komnir á stjá og miðbærinn iðaði af lífi. Skyndilegt verkfall  hafi víst aðeins verið gert til þess að þrýsta á ríkisstjórn Hamas til að greiða launaseðla opinberra starfsmanna, eins og kennara og lögreglumanna. Slíkt reynist palestínsku stjórninni erfitt þar sem Ísraelar hafa fyrirskipað bönkum að millifæra ekki peninga til Hamas. 

Fjogurra daga dvol i Jercho var nokkuð sérkennileg – en skemmtileg. Ég var nefnilega eini vestræni túristinn í bænum og vakti þess vegna mikla athygli heimamanna. Áður fyrr var mikill uppgangur í túrismanum enda hægt að sjá þar fjöldann allan af fornum byggingum. Núorðið er ferðaþjónustubransinn hinsvegar hruninn, vegna ýmissa ástæða og ekki bætir úr skák dræmur ferðamannastraumur til Ísrael vegna átakanna í Líbanon.

--  

Eins og áður sagði ég þessa stundina í Jerúsalem á gistiheimili í múslimahluta gamla bæjarins, en honum er skipt milli múslima, gyðinga, armenna og kristinna.  

En nú er nóg komið - (ég nenni ekki að segja frá öllum þeim heilögu stöðum sem ég heimsótti í dag) – Palestínumaðurinn Adda var að skora á mig í skák einvígi.

Athugasemdir

[ragnarr (IP-tala skráð) 8.9.2006 kl. 20:14]

þú segir kannski frá skákinni í næsta bréfi

[Máni (IP-tala skráð) 8.9.2006 kl. 23:13]

Ég mundi vilja fá skákina skráða hér inn á síðuna takk.

En þessi Hussian virðist þá hafa verið frægur í alvöru eftir allt saman fyrst að brúin er nefnd eftir honum :)

[Elín (IP-tala skráð) 9.9.2006 kl. 12:18]

Ég skil nú vel að þeim hafi fundist þú grunsamlegur...færðu ekki framlegningu á leyfinu síðar?

[kristó (IP-tala skráð) 9.9.2006 kl. 14:33]

segðu þessum talíbönum að þetta "tæki" (myndavélin) sem þú sért ávallt með í höndunum sé dómsdagstæki og þá færðu kannski special treatment þarna úti

[Jón (IP-tala skráð) 9.9.2006 kl. 21:27]

gaman að lesa ferðasögurnar, passaðu bara að júðarnir helli þig ekki of fullan og þú vaknir sem umskorinn gyðingur -það er örugglega ansi erfitt!
Jón

[egill (IP-tala skráð) 10.9.2006 kl. 17:40]

hehe, ja kristo. eg skal profa tad. ,,special treatment'' myndi ta vera einhverskonar haeli.

og ju jeg fa areydanlega framlengingu a leyfinu.

skakinni tapadi jeg.