Ljósmyndari hjá kínverskri fréttastofu!

Svei mér þá. Ég trú þessu nú varla sjálfur, en ég er orðinn útsendari kínverskrar fréttastofu í Nablus. Ef ég frétti af átökum eða öðrum tíðindum á svæðinu á ég að rjúka á staðinn og smella af mynd sem ég get síðan selt Kínverjunum.

 

Fréttastofan nefnist Xinhua news agency og er sögð sú stærsta á alþjóðlega sviðinu í Kína. Einhverskonar Reuters-myndabanki kínverskra fréttablaða. Nær allar erlendar myndir sem birtast í kínverskum blöðum eru keyptar gegnum Xinhua News, segir David Guolei, tengiliður minn innan fréttastofunnar, en hann er einn þriggja fastráðinna starfsmanna þeirra í Ísrael og Palestínu.

 

David þennan hitti ég upphaflega fyrir tilviljun á útsýnisskífu í Jerusalem þar sem við vorum báðir að taka myndir. Eftir að hafa spjallað um ljósmyndagræjurnar okkar, barst í tal að ætlaði að dvelja í Nablus um þónokkra hríð og þá stakk hann upp á því að ég gæti hugsanlega unnið fyrir fréttastofuna, þar sem þeir hefðu engan lausamann þar. Ég sendi honum því símanúmerið mitt í tölvupósti og fékk í dag eftirfarandi svar:

 

ok, just give me a call if any spot news happened there AND send pix to this e-box. We will pay u the pix we used at a price of 60 USD per pix. Remember, we only have the interest in the spot news.

Actually there are many big news in our region now, as far as i know, 5 palestinians killed by IDF yesterday, and vice prime minister of Palestine was set free yesterday.

These news are the very one we want to cover if u have the chance to get it. Good luck.

DAVID

 

Síðan er spurning hvort ég næ nokkurn tímann að spotta einhvern atburð. Ég þarf jú að hafa upp á þeim sjálfur og hef enn sem komið er enga tengiliði í borginni. Það kemur í ljós.

Athugasemdir

[bjarni (IP-tala skráð) 29.9.2006 kl. 01:17]

ég myndi nú bara teikna mynd til að senda þessum kínverjum, það er alltof hættulegt að vera að fara eitthvert að taka ljósmyndir fyrir þessa skáeygu menn sem ég hef alltaf efast um að sjái rétt vel með þessum skáskjáum sínum...

[Völundur Jónsson, 29.9.2006 kl. 02:24]

Gaman að fylgjast með þér maður, Gangi þér vel

[Máni (IP-tala skráð) 29.9.2006 kl. 18:42]

Til hamingju með að vinna fyrir ljósmyndastofu blindra :)

[ragnarr (IP-tala skráð) 29.9.2006 kl. 19:05]

Mér líður núna eins og ég sé valdamikill í Palestínu núna, eftir MSN samtalið okkar áðan. ,,Hvíti maðurinn sem talar arabísku, við höfum beðið eftir honum í mörg hundruð ár og loksins er hann kominn"

[egill (IP-tala skráð) 29.9.2006 kl. 23:57]

Já það er rétt, ragnar. þeir bíða og bíða vegna þess að þú gast skrifað fullt nafn meistara Arafat á arabísku.

[Rikki (IP-tala skráð) 30.9.2006 kl. 13:14]

egill ég var að spá í þarna nýjustu myndunum hver tók þá myndina af þér ?

[egill (IP-tala skráð) 30.9.2006 kl. 13:23]

Ljósmyndarinn heitir Taha, en ég gisti hjá honum meðan ég dvaldi í Qalkilya.

[GK, 2.10.2006 kl. 21:36]

Þú verður að koma þér upp góðu tengslaneti, eins og hérna á Selfossi þegar verður árextur... :)

[egill (IP-tala skráð) 5.10.2006 kl. 00:37]

í nablus virðast menn viljugri en heima við að ,,leka hlutunum í beina útsendingu í fjölmiðla." Hinsvegar hafa engin stórtíðindi átt sér stað frá því ég kom á staðinn.