Syndlaus í hinni gruggugu Ganges

Loksins er ég laus við allar mínir syndir um ævina. Það tók mig aðeins fáeinar mínútur í baðferð að upptökum Ganges árinnar við Allahabad. Þar stendur yfir árleg Magh Mela athöfn hindúa sem flykkjast út í ánna. Á tólf ára fresti fer þar fram fjölmennasti mannfögnuður heims.

 

Gangesböðin eru hinsvegar ekki eins heilsusamleg og margir halda. Flestir pílagrímar fara til Varanasi, hundrað kílómetrum frá staðnum þar sem ég var, til þess að baða sig í Ganges og fleyta ösku látinna ástvina. Á sjökílómetra belti við Varanasi baða sig að jafnaði 60 þúsund manns á dag en þar enda líka 30 stór skólprennsli. Ekkert kvikt lifir í ánni lengur, nema auðvitað bakteríur. Nýleg athugun sýnir að í hverjum 100 millilítrum eru 1,5 milljón sýklar en almennt er miðað við að í baðvatni mega helst ekki vera fleiri en 500!

Baráttan umhverfisverndarsinna við óhreinindin í Ganges hefur staðið yfir í rúma tvo áratugi með misgóðum árangri. Við upptökin í Allahabad beita yfirvöld sér sömuleiðis fyrir því að auka vatnsrennsli í ánni og samkvæmt héraðsfréttablaði umdæmisins hefur tekist að bjarga því fyrir Magh Mela hátíða sem stendur fram á miðjan febrúar.

Athugasemdir

[Alma Lísa Jóhannsdóttir, 23.1.2008 kl. 15:56]

Gaman að lesa skrifin þín - eigðu áfram góðar stundir. Kv. alma

[Arnþór (IP-tala skráð) 23.1.2008 kl. 18:36]

Glæsilegt! djöfull öfunda ég þig af því að baða þig þarna ! þessi sundferð fer væntanlega í annálinn ? 

[Ása og co (IP-tala skráð) 24.1.2008 kl. 00:20]

Sæll útlagi

Gaman að fylgjast með ferð þinni.  Höfum verið á þessum slóðum, þ.m.t. í Varanasi sem er einn ógleymanlegasti staður í heimi, þvílíkt"overdose" fyrir öll skynfæri; augu, eyru og nef.  Það var ógleymanlegt að labba meðfram ánni þar sem menn og nautgripir baða sig, konur þvo þvotta, börn tannbursta sig og heilagar kýr fljóta.  Og á árbakkanum var verið að brenna líkin, svona eins og á miðjum Laugarveginum í okkar menningu.  Við héldum að við myndum ná smá tíma í okkar "fyrirfram ímynduðu Hindúa Indverja andlegu ró" með því að leigja lítinn bát og fylgjast með sólinni koma upp á Ganges ánni.  Og eftir að hóta "rikshaw" stjóranum að borga ekki neitt ef stoppaði hjá frændanum með teppinn eða frænkunni með ilmvötnin komumst við loks út á ánna.  En innan við fimm mínútum síðar var friðurinn úti.  "Souvenir - Souvenir" og tveir litlir handróðrabátar lögðust upp að okkar.  Og í hvert skipti sem við - litum upp -  til hægri - til vinstri - eftir það blöstu við okkur brosmild andlit með hið ómissandi túristaglingur.  Ógleymanlegur staður og stund. 

Við fórum líka til Nepal sem "we loved" og draumurinn er að fara til Tíbet og Mongólíu.   Pakistan og sérstaklega Afganistan ekki beint verið á ferðaplönunum enn sem komið er, en óneitanlega spennandi og hlökkum til að fylgjast áfram með þér. 

"Break a leg"

Ása og co

[Ragnar Sigurðarson, 24.1.2008 kl. 07:57]

sé að þú ert með tanið á hreinu þarna úti

[Bjarni Harðarson, 24.1.2008 kl. 14:07]

fórstu alveg í kaf?

[Egill Bjarnason, 24.1.2008 kl. 14:08]

takk fyrir reynslusoguna, asa. eg hlakka mikid til ad komast til varanasi.