Frábær heimsókn

Þegar ég fór á fimmtudag bjóst ég við því, að næst þegar ég færi á netkaffi væri pöpullinn búinn að brenna Ráðhús Reykjavíkur. Ojæja. 

Heimsóknin í ættbálkaþorpið Basari var meiriháttar. Gat hins vegar ekki gist í tvær nætur eins og til stóð vegna þess að minn maður í þorpinu vildi bregða sér í kaupstað til þess að fagna Lýðveldisdeginum með vinum og kunningjum. Blogga meira um það síðar.

Eitt mjög Indverskt að lokum: Við Sara gistum á hóteli í Kajoraho sem heitir Lakeside og gefur sig út fyrir glæsilegt útsýni yfir stöðuvatn bæjarins. Síðan þegar maður virðir útsýnið fyrir sér blasir við löngu uppþornaður pyttur þar sem helst væri hægt að baða sig í rusli.

Hótelið er samt fínt og sömuleiðis hóteleigandinn sem er byrjaður að kenna mér og Söru hugleiðslu okkur að kostnaðarlausu.

(Eg med thorpsbuum i Basari) 

Athugasemdir

[Elín (IP-tala skráð) 26.1.2008 kl. 19:25]

Þetta með drullupollinn er mjög fyndið, en er þetta ekki algengt ,,trikk" í ferðamennskunni. Við pöntuðum hótel um daginn á netinu á Kanarí og myndirnar á netinu boðuðu mjög gott en þegar við komum í hótelið sáum við að þetta var hið mesta skítapleis (hurðarnar á innréttingunum voru við það að detta af þeim....) og fundum við okkur fljótlega annað hótel...

[gunnlaugur (IP-tala skráð) 27.1.2008 kl. 16:10]

afhverju heldur strákurinn fyrir aftan þig á barefli eins og hann ætli að fara berja þig?

[Egill Bjarnason, 28.1.2008 kl. 17:14]

vel athugad gunnlaugur. tad vaeri nu svalt ad vera raendur af smapollum sem tessum.

annars var mer bent a ad radhusid staedi vid tjorn og vaeri tar ad auki ur steinsteypu.