Eyðimerkurganga

Garmeh er tvö hundruð manna bær, með örlítið færri úlföldum, í miðri eyðimörk Íran. Þangað ætla ég. Ekki á hraða Gunnars Egilssonar ofurpólfara, heldur fótgangandi frá Yazd, þar sem ég er nú. Úr því að leiðin er um þrjú hundruð kílómetrar reyni ég kannski að fara spölkorn á puttanum.  

Væri ég skáld, hefði ferðin einhvern væmin tilgang, eins og hamingjuleit undir stjörnubjörtum himni. Væri ég íþróttamaður yrði markmiðið að slá met. Væri ég sagnfræðingur myndi ég fylgja sporum Marco Polo. En ég er bara langt genginn áhugamaður um eyðimerkur og ferðalangur í leit að tilbreytingu.

Það er engin heitur reitur í boði Vodafone í eyðimörkinni. Þannig að, hér birtist ekkert næstu daga. Eftir það fáið þið að heyra alla sólar(ríku)söguna.

Athugasemdir

[Þorsteinn Briem, 22.4.2008 kl. 16:15]

Hvenær verðurðu kominn til Tehran og hversu lengi ertu að spá í að vera þar, Egill minn?

Ég er með netfangið [e-mail] ef þú vilt senda mér línu.

[Helga Lúthersdóttir (IP-tala skráð) 22.4.2008 kl. 21:48]

vá hvað ég vildi að ég væri þarna ............... bara augnablik .... er svo mikill flakkari í eðlinu...

[Greta Björg Úlfsdóttir, 22.4.2008 kl. 22:38]

Alltaf jafn gaman að kíkja á bloggið þitt og sjá hvað þú ert að bjástra. Gangi þér vel.

[Aron Björn Kristinsson, 23.4.2008 kl. 00:24]

Snilldin ein, passaði þig á sólstingnum;) hehe

[Kolbrún Jónsdóttir, 23.4.2008 kl. 16:23]

Flott skrifad hja ter.  Rosa gaman ad fylgjast med aefintyrum tinum tarna.  Gangi ter vel og vonandi verda nog  vatnsbyrgdir med ter i eydimorkinni.

kaer kvedja fra Tyskalandi

Kolla

[Anna Guðný , 24.4.2008 kl. 00:12]

Gleðilegt sumar