Skotárásir, morð og skemmdarverk í Ein Beit Al Ma flóttamannabúðunum

 Ísraelski herinn myrti Palestínumann á þrítugsaldri í Ein Beit Al Ma flóttamannabúðunum, skammt vestan við Nablus, í dag, þriðjudag. Þá særðu hermenn sex Palestínumenn til viðbótar og handtóku tvo palestínska sjúkraliða.  

Snemma í morgun gerðu ísraelskir hermenn innrás í flóttamannabúðirnar á um tíu herjeppum í þeim tilgangi að handtaka hátt settan andspyrnumann innan Jihad-flokksins. Fljótlega upphófst skotbardagi milli hermanna og vopnaðra Palestínumanna og í átökunum varð hinn 26 ára gamli Baha´Salah Al-Khater skotinn í kviðinn. Hermenn meinuðu bæði læknum og sjúkraliðum að koma hinum særða til hjálpar þannig að klukkustund síðar blæddi honum út.  

Al-Kater var meðlimur í vopnuðum væng PFLP-samtakanna en var ekki eftirlýstur af hernum, samkvæmt heimildum. Í gær, mánudag, réðust hermenn inn í skrifstofu PFLP samtakanna í Ein Beit búðunum, stálu gögnum og sprengdu síðan skrifstofuhúsnæðið í loft upp.  

Yfir tuttugu íbúðarhús í búðunum voru hernumin af riffilskyttum Ísraela og til þess að geta aðhafst brutu þær niður veggi og eyðilögðu innanstokksmuni. Þar að auki voru í það minnsta átta bifreiðar á aðalvegi flóttamannabúðanna eyðilagðar með jarðýtu.  

--  

Um sjöleytið í morgun komu ég og aðrir hjálparliðar í hinar hernumdu flóttamannabúðir. Þá voru hátt í tvær klukkustundir síðan herinn gerði innrás og þegar hafði einn Palestínumaður verið myrtur. 

 Hópurinn fór fyrst í eitt þeirra íbúðarhúsa sem hafði verið hernumið. Á neðri hæð hússins sat öldruð kona og grét yfir því að hermennirnir höfðu lokað sig af á efstu hæð hússins með fimm ára gamalt barnabarn hennar og andlega veikan mann í gíslingu.

Þegar forsprakki hópsins bað hermennina að láta gíslana lausa hótuðu þeir að sprengja húsið í loft upp ef hópurinn hunskaðist ekki burt. Fáeinum mínútum síðar yfirgáfu þeir húsið, sennilega vegna þess að við vorum þar, alþjóðaliðarnir. 

Andartaki síðar hóf herinn skotárás skammt frá  íbúðarhúsinu þar sem vopnaðir verðir, konur og börn þurftu að leita skjóls en svo óheppilega vildi til að þau voru innikróuð af hermönnum. En menn dóu ekki ráðalausir. Karlmennirnir, sem voru skotmörk hermannanna, klæddu sig í kvenmannskufl, settu á sig slæðu og hlupu í skjól. Litlu mátti muna að nokkrar af dragdrottningunum yrðu fyrir skoti.   

Eftir þennan hasar fór hluti hópsins út á aðalveginn í flóttamannabúðunum þar sem hermaður á jarðýtu vandaliseraði um. Eftir að hafa eyðilagt nokkra veggi og tvo bíla reyndi hann meira að segja að aka yfir hópinn en hann var hlægilega svifaseinn á þessu ferlíki.   

Táragas hersins náði hinsvegar að fæla hópinn inn í íbúð þar sem lík Al-Kater var geymt í mjög dramatísku andrumslofti. Þar hélt hópurinn sig uns hermennirnir yfirgáfu flóttamannabúðirnar, sem þeir gerðu ekki fyrr en um ellefuleytið, eftir liðlega sex tíma umsátur í búðunum með tilheyrandi útgöngubanni.  

Allar myndirnar sem fylgja þessu driti eru frá Ein Beit Al Ma flóttamannabúðunum í dag. Smellið á hverja mynd til þess að sjá hana í stærri upplausn ásamt myndatexta.

Athugasemdir

[eva (IP-tala skráð) 15.11.2006 kl. 09:49]

þetta virðist allt vera daglegt brauð og sennilega er það það sem manni finnst óhugnanlegast....

[Elín Gunnlaugsdóttir (IP-tala skráð) 15.11.2006 kl. 09:56]

Èg vil nù bara fara að fá þig heim...

[Þröstur (IP-tala skráð) 15.11.2006 kl. 11:14]

Furðulegt hvað stjórnin í Ísraðel getur vaðið yfir mannréttindi á skítugum skónum á meðan heimsbyggðin horfir á! Á meðan ráðamenn í USA eru í vasanum á gyðingum þá mun þetta viðgangast áfram. Þó að gyðingar hafi orðið fyrir barðinu á nasistum um miðja síðustu öld þá gengur ekki að þeir fari svona með nágranna sína, fólkið sem bjó þarna í sátt og friði þangað til að því var gert að taka sitt hafurtask og yfirgefa landið þar sem þau höfðu búið í hunduðir ára. Svo eftir það hafa ísraðelar vaðið uppi með frekju og hálfgerðar þjóðernishreynsanir síðan 1948. Er ekki komið nóg og heimsbyggðin taki sig saman og leggist á árar til hjálpar verslings fólkinu sem gyðingarnir eru að níðast á?

[uggi (IP-tala skráð) 15.11.2006 kl. 16:17]

ísraelski herinn fer ekki að díla við einhverja kórdrengi og þessir menn sem þeir eru að sækja og reyna að ná , væru löngu komnir undir lás og slá ef stjórnvöld í palestinu væru marktæk og vildu frið

[Jóhanna (IP-tala skráð) 15.11.2006 kl. 18:16]

þú ert að mínu mati maður ársins frábær fréttamaður og ljósmyndari En í Guðanna bænum farðu þú varlega Egill það er þvílíkur hrillingur að gerast þarna í Palestínu og Ísrael Gangi þér virkilega vel kæri vinur kveðja stoltur Íslendingur

[ragnarr (IP-tala skráð) 15.11.2006 kl. 19:48]

Dr. E, ég hef lengi verið að spá, afhverju býrðu ekki til myndaalbúm hérna á síðunni til að halda betur um myndirnar ?

[bjarni (IP-tala skráð) 16.11.2006 kl. 00:24]

þetta er helst til óhugnanlegt - þú verður að gæta vel að þér og fara varlega - og vitaskuld ná að lifa með þessum óhugnaði þarna úti án þess að bilast hreinlega. ég hef svosem ekki haft alvarlegar áhyggjur undanfarið fyrr en í dag...

[ragnarr (IP-tala skráð) 17.11.2006 kl. 11:40]

Egill ! Mæðrastyrksnefnd var í viðtali í Ísland í bítið !

[Helga R. Einarsdóttir, 17.11.2006 kl. 17:59]

Foreldrar sem eiga son við þessar aðstæður hafa fulla þörf fyrir mæðra og feðrastyrk. Það vill til að þú verður væntanlega kominn heim áður en framboðsraunir föður þíns byrja fyrir alvöru. Þá veitir honum ekki af að sofa vært um nætur. Gangi þér allt sem best og passaðu þig á vondu körlunum. kv.

[jonni (IP-tala skráð) 14.12.2006 kl. 22:32]

(Jonni) gott að einkver skrifi raunverulega um atburpi sem þessa og hafi myndir með sem stinga mann beint í hjatastað, til umhugsunar hvernig fólki yfir höfið líður tarna úti.