Herra 10% forseti

 

Pakistan hefur átt marga glataða forseta en sennilega er Asif Zardari sá vonlausasti.

Þegar Benazir Bhutto sneri aftur úr sjálfskipaðri útlegð á síðasta ári var Zardari haldið frá sviðsljósinu. Hann var sínum tíma gerður að blóraböggli fyrir hrakförum Benazir í embætti forsætisráðherra. Zardari fékk þá viðurnefnið „Herra 10%" vegna þess hversu iðinn hann var við að stinga tíund af opinberum tekjum í eigin vasa. Í síðari stjórnartíð hennar gerðist eiginmaðurinn enn kræfari og viðurnefnið margfaldaðist. „Herra 50%" hefur samtals setið í ellefu ár bak við lás og slá fyrir hvítflibbabrot. Enn bíða nokkrar ákærur úrskurðar dómara, þar á meðal ásakanir um aðild að morði á bróður Benazir Bhutto. Af ótta við að málin yrðu tekin upp að nýju neitaði Zardari að endurskipa hæstaréttardómaranna sem Musharraf vék frá til þess að halda völdum. Sumir af hans eigin flokksbræðrum trúa því meira að segja að hann hafi fyrirskipað morðið á Benazir. Slík sé peninga- og valdagræðgin.

Ég tók myndina hér að ofan þegar við Zardari mættumst á útifundi Þjóðarflokksins. Formaðurinn fingralangi er illa haldinn af sykursýki, gengur með staf, og var að haltra upp á svið þegar ég smellti af mynd.  

Zardari kjörinn forseti Pakistans

Athugasemdir

[Jón Steinar Ragnarsson, 6.9.2008 kl. 20:34]

Merkilegt að menn með slíka ferilskrá nái til hæstu metorða. Hvernig dettur fólki í hug að kjósa svona kafbát?

Annað:  Rétt fyrir andlátið átti David Frost viðtal við Bhutto, þar sem hún nefndi meðal annars á nafn mann, sem hafi myrt Osama Bin Laden. Þetta var ansi afdráttalaust hjá henni og jafnvel nefnt svona í hálfkæringslegu framhjáhlaupi, eins og þetta væri á allra vitorði.

Ég hef undrað mig á því síðan að ekki birtist stafkrókur um þetta í neinum  fjölmiðlum. Það er enn látið sem hann sé á lífi og einhverjar yfirlýsingar og alræmd videó birtust með honum eftir þetta.  Mogginn talar enn um hann eins og hann sé ein mesta ógn við mannkyn, sem til er.

Þekkir þú til þessa?  Hvernig stendur á þessu? Er þetta á allra vitorði í Pakistan en ekki í hinum vestræna heimi? Getur þú svalað forvitni minni og jafnvel bloggað um þetta?  Væntanlega yrði þetta skúbb ársins hér þótt gamlar lummur séu. Það virðast nefnilega flestir á þeirri skoðun að Osama sé á lífi, þótt hann hafi líklegast verið dauður í 5-6 ár.

[Egill Bjarnason, 6.9.2008 kl. 21:36]

hef ekki fylgst mikið ósama en birtist ekki myndband - eða upptaka - frá honum í vetur þar sem hann hótaði dönum öllu illu. ef svo er, þá stemmir ekki alveg að hann hafi verið dauður í sjö ár. pakistanar tala lítið um þann mann og stuðningur við al-qaeda fer minnkandi.

[Jón Steinar Ragnarsson, 6.9.2008 kl. 21:49]

Sástu viðtalið, sem ég linkaði á þarna fyrir ofan?  (það má svo nefna að staðfest hefur verið að a.m.k. 3 af myndböndum Ladens hafa verið fölsuð og það ansi illa)

Það er því ekki staðfesting á tilvist hans þótt óskýrt myndband birtist með manni, sem segir "Death to the infidels " og "Death to America." Raunar er vitað að áróður skopmyndamálsins er rekinn frá Saudi Arabíu.

[Jón Steinar Ragnarsson, 6.9.2008 kl. 21:58]

Ágæt útekt hér: http://www.viewzone.com/osama.html

[Aron Björn Kristinsson, 9.9.2008 kl. 21:36]

Blessadur Egill, skemmtilegur pistill. En eitt enn.. Thu hefur verid klukkadur:)