Svínaskólinn og náunginn í næsta herbergi

Ég deili íbúð með tveimur kvikmyndagerðamönnum. Annar er töffari, hinn nörd. Báðir djöfull skemmtilegir.

Hárið á töffaranum er orðið vel grátt en hann heldur sér ungum með því að lesa myndasögublöð og eiga kærustu sem er nokkrum áratugum yngri. Enginn veit, eða kann við að spyrja, hvað þessi ungi andi er gamall. Fæðingarárið finnst ekki  á Netinu (nema á heimasíðu sinni segir að hann sé 102 ára).

Um daginn spurði ég hvort hann hefði heyrt fréttirnar; búið væri að loka grunnskóla í hverfinu af ótta við svínaflensu.  

,,Svo pestin er komin hingað," svaraði hann, fljótur að komast að niðurstöðu: „Frábært! Það er alltof mikið af fólki hérna hvort sem er!"

Útrætt mál.

Athugasemdir

[Bjarni Harðarson, 22.5.2009 kl. 10:14]

þú semsagt býrð á svæði þar sem svínapestin er í næsta húsi - eruði farnir að ganga með grímur...

[Egill Bjarnason, 22.5.2009 kl. 15:00]

Grimur, nei. Madur ser einstaka mann med svoleidis. Skilst ad sa ofsi se eiginlega lidinn hja en hann var vist talsverdur um tima.

[Kristín G (IP-tala skráð) 24.5.2009 kl. 20:25]

Sæll Egill og blessaður. Gaman að sjá líf á blogginu þínu að nýju. Alltaf gaman að lesa um ævintýrin þín. Góða skemmtun og gott gengi í Stóra eplinu :)