Flugferðin mikla

Fór ósofinn í flugið. Vaknaði því ósjaldan með hálsríg og slefrák niður handlegginn.

Sat hliðin á íraskri konu hálfa leiðina. „En ég bý í Jórdaníu út af þú veist ... stríðinu," sagði hún og yfirgaf því flugvélina við millilendingu í Amman. Þá var ferðin aðeins hálfnuð hjá mér.

Á bekknum fyrir framan sat Eþíópíumaður sem leit helst út fyrir að hafa fundið flugmiðann á götunni. Tvisvar í fluginu dró hann upp sígarettu, snéri sér að sessunautnum og spurði með handapati um eld. Í bæði skiptin virtist hann jafn hissa á viðbrögðum fólks.

„Velkominn til Eþíópíu," blasti við á skilti á flugvellinum en undir kveðjunni voru varnarorð í örlítið minna letri sem sögðu: „Hjálpaðu okkur að halda nýju flensunni í skefjum"

„Já, en verðið á eldsneytinu er orðið svo svakalegt," byrjuðu leigubílstjórarnir fyrir utan flugvöllinn. Klukkan var vel yfir miðnætti og því í frekar lélegri samningsstöðu.

Leigubílstjórinn byrjaði auðvitað á að fara með mig á eitthvert hótel í eigu frænda síns, ekki það sem ég hafði beðið um. Það hafðist loksins. Og mikið svaf ég vel.

Athugasemdir

[Ragnar Sigurðarson, 22.10.2009 kl. 13:09]

 Heyrðu þú segir Halló á Amharísku Teanastëllën sem er borði fram einhvernveginn teen-as-tell-an og svo er það líka Salam sem þú þekkir úr arabísku, bæði halló og bless

Svo er Takk Amesegënallô borði fram sem Ame-segi-na-lew

 annars er það mesta furða hvað þú varst fljótur að komast í tölvu þarna

Goodbye: To a man: Dehna hun (pronounced day-na hun--as in hunt).. that is to a man in somewhat formal tones.

Goodbye: to a man in somewhat informal: SELAM (prounounced say-laam)

Thank you: Amesegënallô(as in: Ame-segi-na-lew ) thus, pronounced as: amay-saygi-nah-lou)

This langukage is used a log in Ethiopia, Egypt and even Israel

[Anna Grétarsdóttir (IP-tala skráð) 22.10.2009 kl. 21:43]

Var að skoða myndirnar hjá þér, allar virkilega flottar  Hlakka til að sjá fleiri.