Lært á klukku

 

Ef öryggisvörðurinn við bankann hliðin á netkaffinu, þar sem ég sit núna, yrði spurður hvernig klukkan hefði það myndi hann segja hana slá sjö. En á veggklukkunni inn í bankanum er vísirinn á einum - í stíl við venjur umheimsins. 

Eþíópíumenn segja að klukkan sé tólf við sólarupprás en samkvæmt tímabeltinu er hún sex. Klukkan sjö segja heimamenn að hún sé eitt - eina klukkustund yfir sólarupprás - og þannig heldur það áfram fram að sólsetri, klukkan sex að kvöldi. Eftir það er klukkan svo og svo margar klukkustundir yfir sólsetur.

Annað: Árið er 2002, ekki 2009. Skemmtilegasta skýringin er að fregnin af fæðingu frelsarans hafi tekið sjö ár að berast frá Nasaret til Addis Ababa. Ég get ímyndað mér að loksins þegar leiðréttingin barst hafi verið of seint að skipta.    

Klukkan eitt Það er eina klukkustund yfir sólarupprás.

Athugasemdir

[Axel Jóhann Hallgrímsson, 4.11.2009 kl. 12:55]

Skemmtileg saga. Þetta blessast örugglega þótt menn séu örlítið "úr takti" við tímann.

[Ásdís Sigurðardóttir, 4.11.2009 kl. 13:17]

Snilld, núna er klukkan 5 hjá mér

[Alda (IP-tala skráð) 5.11.2009 kl. 10:37]

Ég viðurkenndi það fyrir þér einhverntímann í haust að ég væri sífellt að laumulesa bloggið þitt, ákvað þess vegna að kvitta fyrir mig til tilbreytingar. Frábærar myndir og skrif hjá þér, virðist vera æðislegt ferðalag... og gerðu það fyrir mig að skoða kirkjurnar í Lalibela ef að þú ferð þar framhjá, mig hefur lengi langað til að sjá þær! :)

[Sigrún (IP-tala skráð) 6.11.2009 kl. 15:32]

Gaman að þessu. Hvað ertu eiginlega að bedrífa þarna á hjara veraldar?