Þakkir til sveðjumannsins

Ég myndi frekar vilja mæta öskrandi manni með sveðju en öskrandi apa með bambus.

Hugsaði nákvæmlega þetta á meðan ég hjólaði eftir stíg í átt að krókódílabúgarði við Arba Minch og varð stöðugt var apa og villisvín en líka dádýr.

Ég veit ekkert um árásarhneigð dýra. Af kynnum mínum við apa, hefur mér þótt þeir mikil ólíkindatól. Fólk er fyrirsjáanlegt, ekki eins hvatvíst og bítur yfirleitt ekki.

Viti menn. Á heimleiðinni stoppaði ég á bómullarakri til þess að smella einni mynd. Áður en ég vissi af, var ég umkringdur forvitnu fólki. Verkstjóranum líkaði drollið illa og hrakti skrílinn burt með öskrum og sveðju á lofti.

Með sveðju og í Kiss-bol En samt alveg ágætis náungi.

Athugasemdir

[Sigurjón, 25.11.2009 kl. 18:59]

Sæll Egill.

Eru dæmi þess að verkstjórar þurfi raunverulega að beita sveðjunni?  Annars eru þetta ansi áhugaverðar myndir hjá þér.

Kv. Sigurjón

[Anna Einarsdóttir, 25.11.2009 kl. 20:52]

Skemmtilegir pistlar hjá þér. 

Í haust fór ég í apadýragarð þar sem voru fjölmargar apategundir og komst þá að raun um að ekki eru apar sama og apar.  Margar tegundir eru gæfar og ljúfar í umgengni á meðan aðrar tegundir eru mannýgar.  

Ég mæli með banana í vasann í næsta hjólreiðatúr.

[Ásdís Sigurðardóttir, 26.11.2009 kl. 12:20]

Lífið er greinilega töluvert öðruvísi hjá þér heldur en okkur hér heima á Selfossi, farðu varlega og komdu heill heim 

[Lárus Gabríel Guðmundsson, 3.12.2009 kl. 21:32]

Stórkostlegar myndir og einstaklega flottar og vandaðar lýsingar hjá þér !