. - Hausmynd

.

Um Ísland

Skorradalur

Skrapp út að hjóla. Sjáumst í sumarlok.

-eb 


Réttur dagsins: Ekkert frá Ísrael

Háma

Háma, veitingasala Háskólatorgs, hefur enga stefnu varðandi innkaup á vörum frá Ísrael. Rebekka Sigurðardóttir, upplýsingafulltrúi Félagsstofnunar stúdenta, sagði í samtali við blaðið að slíkt yrði að sjálfsögðu skoðað - óskuðu stúdentar eftir því.

Eftir hverju er Stúdentaráð eiginlega að bíða?

Framferði Ísraela gagnvart Palestínumönnum réttlætir alþjóðlega sniðgöngu. Aðskilnaðarstjórnin í Suður-Afríku lét undan slíkum þrýstingi á sínum tíma, enda annað varla hægt fyrir markaðsvætt ríki. Brot Ísraela eru skelfilegri, að margra mati. Samt hefur landið komist hjá viðlíka útskúfun. Ennþá.

Á undanförnum fimm árum hefur innflutningur frá Ísrael aukist um hálfan milljarð króna og nam í fyrra um 1021 milljón króna, samkvæmt Hagstofu Íslands. Hagur Palestínumanna hefur ekki beinlíns blómstrað á sama tíma.

Um er að ræða grænmeti, ávexti, byggingarefni og tæknibúnað. Félagið Ísland-Palestína birtir á vef sínum lista yfir algengar matvörur, til dæmis greipaldin og avókadó. En merkingar í verslunum eru oft villandi. Þannig er algengt að krydd „pökkuð í Hollandi" séu í raun framleidd fyrir botni Miðjarðarhafs. Og „product of Palestine" þýðir yfirleitt að varan komi frá ísraelskum landránsbyggðum í hertekinni Palestínu.

Samkvæmt upplýsingum frá Hámu eru paprikur og kryddjurtir fyrst og fremst þær ísraelsku matvörur sem háskólinn kaupir inn og þá gegnum fyrirtækið Banana. Magnið skiptir ekki máli heldur þau skilaboð sem Háskóli Íslands væri að senda byrgjum: Kaupið inn frá Ísrael og þið missið einn af ykkar stærstu viðskiptavinum. Það eru skilaboð sem allir fyrirtækjaeigendur skilja. Líka þeir í Ísrael.

(Birtist í Íslensku leiðinni, tímariti stjórnmálafræðinema, ritstýrt af ykkar einlæga þetta árið.)


Íslamska lýðveldið Egyptaland?

Giza, Egypt

Kúgum konur. Áfengisbann. Minna einstaklingsfrelsi. 

Þetta eru ekki beinlínis slagorð mótmælenda á Tahrir-torgi og þess vegna virðast nýjustu fregnir frá Egyptalandi á skjön við þá þróun sem hefur birst okkur undanfarið ár:

Íslamistar hljóta 70% þingsæta í Egyptalandi.

Múslímska bræðralagið hlaut flest atkvæði, 47 prósent, tæplega helmingi meira en al-Nour, harðlínuflokkur salafista.

Engu að síður er al-Nour nú orðið næstáhrifamesta stjórnmálaafl Egyptalands, miklu mun stærra en sérframboð sem komu undan arabíska vorinu, illu heilla fyrir frjálslynda byltingarmenn sem ruddu veginn í átt að lýðræði með hrópum og tvítum. 

Þessir flokkar eru nefnilega gjörólíkir, þrátt fyrir að vera ævinlega settir undir sama hatt í fyrirsögnum heimspressunar.

Múslímska bræðralagið er ævagamall íhaldsflokkur með pragmatískar áherslur í efnahags- og velferðarmálum.

Al-Nour flokkurinn er einskonar róttækt afturhald, í eðli sínu andsnúið lýðræði, með Kóraninn að stefnuskrá í málefnum kynjanna og einstaklingsfrelsis.

Ef al-Nour sækir fyrirmynd (og fjárstuðning) til Sádi-Arabíu, má kenna Bræðralagið við  Tyrknesku-leiðina; nútímavæðingar án vesturlandavæðingar - sama hvað Samúel Huntington segir.

Í fyrirlestri hjá Alþjóðamálastofnun Háskóla Íslands fjallaði Magnús Þorkell Bernharðsson, prófessor viðWilliams háskóla í Bandaríkjunum, einmitt um hina Tyrknesku fyrirmynd endurreistra Arabaríkja og setti ekki síður í samhengi við kosningasigur íslamista í Túnis.

Á Tyrklandi er hagvöxtur án hliðstæðu í heimshlutanum á sama tíma og trúarlegum stjórnmálaöflum vex ásmegin.

Hnattvæðingin, driffjöður efnahagslegra tækifæri í Mið-Austurlöndum, hefur orðið til þess að þeir sem áður hefðu snúið sér að kommúnískum eða and-Amerískum öflum finna nú ákveðna vörn í pólitísku íslam, á Tyrklandi sem og annars staðar, virðist vera.  

En fyrir efnahag sem byggir á ferðaþjónustu fremur en iðnaði má segja að meðalvegurinn sé vandrataðri meðfram Níl.  

Að sleikja sólina í síðbuxum með sódavatn heillar fáan ferðamanninn, þó auðvitað teldum við hinir landhreinsun af þesskonar plebbum.

Nei, byltingin má ekki éta börnin sín.

Egyptar hafa hreinlega ekki efni á stjórnarfari í líkingu við olíuríkin Sádi-Arabíu og Íran.   

Hagkerfi landsins hefur mátt blæða fyrir byltinguna; nettó gjaldeyrisforði minnkað um helming og atvinnuleysi vaxandi vandamál.

Ískyggileg þróun, einkum ef haft er í huga að ójöfnuður, atvinnuleysi og hækkandi húsnæðis og matarverð voru á sínum tíma undirrót byltingarinnar.  

Hvaða leið Egyptar fara í mótun nýs lýðveldis ætti að skýrast við stjórnarmyndun og ekki síður við myndun nýrrar stjórnarskrár og í áætluðum forsetakosningum næsta sumar, ef herforingjaráðið sendur við orð sín.

Fyrstu skerf nýskipaðs þings verða mikilvæg og þar er ábyrgðin Bræðralagsins sem hefur í hendi sér að starfa með frjálslyndari flokkum eða þingmönnum salafista.

Margt bendir raunar til að þrátt fyrir allt ættu Bræðralagið og al-Nour erfitt með að starfa saman vegna veigamikils áherslumunns, einsog áður var rakið.  

En þó salafistum yrði kippt í stjórn má vona að róttæknin rjátlist af þeim við ábyrgðarhlutverkið, svona svipað og með íslenska stjórnmálaflokkinn sem einnig einkennir sig með grænum.

(Verkefni í áfanganum Alþjóðastjórnmál Mið-Austurlanda við Háskóla Íslands.)


Fréttatíminn

Malí

Hér að neðan eru ferðapistlar úr Fréttatímanum.

Uppköstin af þeim ritaði ég með blýanti í svarta minnisbók á ferðalagi um Vestur Afríku. 

Set þetta hingað inn vegna fyrirspurna frá fólki í hjólreiða- og Afríkuhugleiðingum.

Laurent Gbagbo handsamaður Fréttablað fyrir ólæsa. 


Skrár tengdar þessari bloggfærslu:

Ferðafélagar

Egyptaland

Tók saman myndir af nokkrum ferðafélögum og ferðamátum undanfarinna ára.

Egyptaland Madeline Gray á siglingu niður Níl.


Vegir

005a

Hjólaði 6195 kílómetra um Vestur-Afríku og á ýmislegt vantalað við þarlenda vegamálastjóra.

Úttekt mína á vegamálum Senegal, Gambíu, Gíneu-Bissau, Gíneu, Sierra Leone, Malí og Búrkina Fasó má nú nálgast hér á síðunni.

Gínea Þar sem vegir taka á sig ýmsar myndir.


Heima

Burkina Faso

Á árinu sem er að líða svaf ég að meðaltali þriðju hverju nótt í tjaldi.

Tók saman myndasyrpu af nokkrum helstu næturstöðum.

Heimilið Bókstaflega fimm milljón stjörnu gisting. 


Nokkur orð um skynsemi

Látrabjarg, Iceland

Sýnist á öllu orðið skynsamlegra að ganga í sjóinn en Evrópusambandið.

Skynsemi.is


Næstu skref

Burkina Faso

Hef tekið næstu skref á alnetinu:

www.egillbjarnason.com

www.twitter.com/egillbjarnason 


Svar til lesanda

 Sudan

Athugasemd við síðustu færslu:

Hva liggurðu bara í leti ? The show must go on! - Kristó 

Já, reyndar.  

(Þess utan er frekar erfitt að halda úti bloggi í netlausum heimshluta.) 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband